Цифрландыру бөлімінің мақсаты – университеттік процестердің біртұтас жүйесін қалыптастыру және қолдау, бағдарламалық құралдардың жұмыс істеуін және олардың үздіксіз қызметін сенімді қамтамасыз ету, ақпараттық технологиялар мен ақпараттық жүйелерді қолдану арқылы оқу үдерісі мен Университеттің құрылымдық бөлімшелері қызметінің тиімділігін арттыруға ықпал ету, сондай-ақ университеттің құрылымдық бөлімшелері жұмысының сапасын арттыру үшін бағдарламалық қамтамасыз етуді әзірлеу және енгізу болып табылады.
Бөлімнің негізгі міндеттері:
- бағдарламалық кешеннің үздіксіз жұмыс істеуін қамтамасыз ету;
- ақпараттық қауіпсіздіктің қажетті деңгейін қамтамасыз ету;
- бағдарламалық қамтамасыз ету мен компьютерлік жабдықтарды ақпараттық және техникалық қолдауды қамтамасыз ету;
- университеттің Интернет-сайтын (бұдан әрі – Сайт) ақпараттық толықтыру, өзекті күйде ұстау және желіде ілгерілету;
- автоматтандырылған жүйелерді енгізуді және жетілдіруді, жаңа технологияларды енгізуді ұйымдастыру, ресурстық қамтамасыз етуді дамыту;
- есептеу техникасымен және кеңсе жабдықтарымен жұмыс істеу ережелері бойынша нормативтік құжаттардың орындалуын бақылау.
Email: it@shokan.edu.kz
