Ш. Уәлиханов атындағы Көкшетау университетінде 2025–2026 оқу жылына арналған инновациялық технологияларды қолдану арқылы өткізілген ашық сабақтар

Қазан айында келесі кафедра оқытушыларының қатысуымен инновациялық технологияларды пайдалану арқылы ашық сабақтар өткізілді:

• Қазақ тілі мен әдебиеті кафедрасы – ф.ғ.к., ассистент профессор Қажыбай Аян Төлегенұлы тақырыбы: «Қазақ хандығы құрылуы қарсаңындағы қоғамдық, саяси-әлеуметтік жағдай. Хандық дәуір әдебиетінің даму бағыттары мен көркемдік-идеялық ерекшеліктері. Жыраулық поэзияның тарихи тамырлары. ХV–ХVІ ғасырлардағы қазақ әдебиеті. Қазтуған Сүйінішұлы мұралары»;
• Инженерлік технологиялар және көлік кафедрасы – PhD Қалин Арман Қабдрахманұлы тақырыбы: «Шынжырлы берілістер»;
• Тау-кен ісі, құрылыс және экология кафедрасы – сеньор-лектор Нұрмағанбетов Асқар Жамбылұлы тақырыбы:«Құрылыс тас кенорындарын қазу технологиясы»;
• Тау-кен ісі, құрылыс және экология кафедрасы – сеньор-лектор Жаниенов Дидар Берікұлы тақырыбы:«Атмосфералық ауаны ластаушы көздер және олармен күресу жолдары»;
• Ақпараттық технологиялар кафедрасы – техникалық ғылымдар магистрі, ассистент-лектор Құдайберген Айзада Төлепбергенқызы тақырыбы: «Машиналық оқыту алгоритмдері»

Аталған іс-шаралардың мақсаты – оқыту сапасын арттыруға және білім алушылардың танымдық белсенділігін дамытуға бағытталған педагогикалық әдіс-тәсілдерді көрсету болды.

Сабақтар барысында оқытушылар әртүрлі жұмыс түрлерін ұсынды: тәжірибелік сабақтар, интерактивті ойындар, топтық және жеке жұмыстар. Ерекше көңіл педагог пен студент арасындағы ынтымақтастық атмосферасын қалыптастыруға, қарым-қатынас пен дербестік дағдыларын дамытуға бөлінді.

Сабақтарға қатысқан оқытушылар жоғары дайындық деңгейін, қызықты әрі қолжетімді материалды, студенттердің белсенділігі мен қызығушылығын атап өтті. Іс-шаралар қорытындысы бойынша нәтижелер талқыланып, оқыту әдістемесін жетілдіру және педагогикалық тәжірибе алмасу жөнінде ұсыныстар берілді.

Өткізілген ашық сабақтар оқытушылар арасындағы өзара байланыстарды нығайтуға, сондай-ақ педагогикалық ұжымның кәсіби шеберлігін арттыруға ықпал етті.