Ualikhanov University Гонконг Метрополитен университетімен (HKMU) өзара түсіністік туралы Меморандумға қол қойғанын қуана хабарлайды. Бұл келісім білім беру саласындағы бірлескен бастамаларды жүзеге асыруға және академиялық алмасуды дамытуға жаңа мүмкіндіктер ашады
- Ынтымақтастық аясында тараптар білім беру бағдарламаларын кеңейтуге, тәжірибе алмасуға және халықаралық өзара әрекеттестікті нығайтуға бағытталған бірқатар жобаларды дамытуға келісті.
- Университеттер онлайн-сессиялар өткізіп, Күміс университеті бағдарламасы аясында бірлескен курс әзірлейді. Бұл Күміс университеті студенттеріне жаңа оқу мүмкіндіктерін ұсынып, сонымен қатар өзара кәсіби байланыстарды дамытуға жол ашады.
- Сонымен қатар «Туризм және қонақжайлылық» мамандығы бойынша студенттердің академиялық ұтқырлығын дамыту мәселесі қарастырылып жатыр. Бұл студенттерге халықаралық тәжірибе жинақтап, Гонконгтың туризм индустриясымен танысуға мүмкіндік береді.
- Меморандумға қол қою екі университеттің халықаралық байланыстарын нығайтудағы маңызды қадам болып табылады және студенттер мен оқытушылар үшін жаңа мүмкіндіктер ашады.
